AFAREAITU

Parteremuura

Pehepehe no Afareaitu

(horo'ahia mai e Gaston Richmond e o Maire)

Ua fafati te 'are

I roto i te ava i Tupapa'urau

Ua ta'iri a pahu o te miti

I ni'a i te taha o Motu Ahi

Ua horo te vave'a i roto

I te 'o'o'a i Hotutea

Ua mahu te 'orare

I te muriavai i Putu'a

Ua 'u'ana te maraamu

I te 'otu'e o Umarea

Ua 'ahehe te 'ata

A te tama i Mata'irea

Ua tavevovevo te toparaa pape

I te peho i Atiraa

Ua mamu te natura i Matiti

Ua mau te 'ata

I ni'a i te tapu'ai o Tohi'e'a

Ei hei arii no 'oe e Vairimurimuri

Afareaitu to'a 'Ai'a tumu.

A lire également

  • Te TAURA HONO

    ParLee Rurua

    TE TAURA  HONO  

    Fatu-hia e te Tama no Aimeho

     Haapii-hia e  te Pupu Arioi  i roto i te Fare haapii-raa Tuatahi no Paopao i te area matahiti 1980 .

     

    TE FIRI NEI MATOU

    TE TAURA TORU  FENU  E

    FAATUPU I TE HAU E

    E  TE MAITA'I E  TE HO'E-RAA  E…

     

    TEIE MAI NEI TE MAU TAMATAMA  E 

    NO TE FENUA AIMEHO  E

    AFA'I MAI NEI  TE MAU PEHEPEHE E

    PEHEPEHE NO 'OE 'AIMEHO E

     

    AIMEHO I TE RARA VARU   E

    E TAIPE NO TE FEE RA 

    TONA I'OA TAU-MATA-FEE-FAATUPU-HAU   E

    O TE PIRI TEIE AIMEHO E

                                                        haaputu-hia e Rotui Vahine

  • pari pari

    ParLee Rurua

    ORERORAA na ROTUI TANE orero no Aimeho Nui     E te taata tupu no te fenua no Aimeho nui i te rara varu Ia faarii te taata Maohi i tona taata tupu teie tona reo: Ia orana, a haere mai, a haere mai i te utua fare nei. E aore ra, haere mai ,…

  • Pererau

    ParLee Rurua

    E  mou'a tei ni'a Rotui Tia'i hia e na maehaa  Te'ava e o Te'avau E inaha, haruru 'otu'i iho nei te Pahu  i Pererau Muhu  iho  nei  te  fenua…   E tara  i  ni'a  Rohotu E tara i raro Rohotu E tara afa'i  roo  Mou'a noho  hia e te Vahine Varua o Teremu'ura O Rohotu…