Makemo 2009

 Ua faanaho te täàtiraa Puna Reo Pihaèìna i te hoê rururaa tama i Makemo no të faaìte i te mau tama nö te täàtiraa i te oraraa e orahia ra i Makemo. Ua tupu te auhoaraa e te autaeaèraa e te mau tama no Makemo i te roaraa o na hepetoma e toru.

Ìnaha, i muri mai i te rururaa i Rurutu, ua faaìtehia i te mau tama no Aimeho i te oraraa ö te tama no Tuamotu. I reira, ua ìte roa te mau tama i te oraraa hau e te faahiahia; àita faahou hoì i Moorea. Mea àuhune te ià, te pahua, te maòa, mea òhi noa mai. Te Paùmutu, àuë i te maitaì ë!

Ua haapii te mau rautï no Makemo i te mau tama i të tautai ùpeà i te pae aàu e të tiahi i te ià i roto i te ùpeà.  Ua àraàra noa te mata ö te tama e ua òòuà i te òaòa no te manuia hoì o te tautai.  Ua tämäà ïa tama: maa ià iti e te îpö, àuë i te au ë!

Ua ora roa atoà te mau tama i te Heiva i Makemo: ua poroteì e ua faaö atu i roto i te mau tataùraa huru rau atoà mai te himene, te òri, e te mau haùti.

Te òhipa faahiahia roa rä i roto i teie rururaa, o te haereraa ïa e faaea i te motu Kukupa i te hopeà hepetoma. Ua haùti, ua òri e ua taià. Ua rama i te kaveu, ua tunu i te firifiri no te tapati. Aue i te faahiahia ë! Aita te mau tama i faariri noa aè no të mätaìtaì i te àfata teata.

A tirä rä, e taime tö te mau atoà: e tïtauhia e hoì i te fenua àià. A tahe noa ai roimata, ua poroì te mau tama no Moorea e färerei ä i tö rätou mau hoa no Makemo.

Mauruuru maitaì i te faatere ö te CED, Virgile ä Terooatea täne. Mauruuru ia Heiata, Rereao, Gaston, Jean-Claude, Siméon, na reira atoà i te mau mämä o tei horoà mai i tö rätou rima no të tunu i te mäa e të puà i te àhu. Mauruuru i te nunaa nö Makemo: te mau tama e te mau hoa o tei poihere maitaì mai ia mätou i na roaraa e toru hepetoma. I Moorea ä tätou e färerei ai! Manava e ia ora.