Te fa’a’āpī-fa’ahou-hia nei te tāfare ni’au ō te Puna Reo na roto i te tihepu-fa’ahou-ra’a i te tahi mau taure’are’a na roto i te rave’a ō te CPIA e na roto i te turu ō te tahi mau māmā e te tahi mau pāpā. Ua fa’ahiahia roa teie mau māmā i te turura’a mai i…
No haamata noa atu ra te mau faanahoraa o Hiro’a Tumu i te Puna Reo mai teie mahana mâ’a 17 no mati 2012.Tei te faito 30 o te matarii o tei tae mai! E maha pupu o tei faanaho hoa! Te reo tahiti, te ‘ori, te himene, te rohi pehe e te patia fâ!…
A hi’o noa mai i te mau hoho’a pata!
I muri mai i te tereraa atu i AOTEAROA, teie ia te fariiraa i te mau manuhiri!
Aue i te ‘oa’oa e! Ua faanaho mai o Thierry KOHUMOETINI e o TAKITOA i te ho’e fariiraa hanahana i te tauraa manureva i Faaa. Tei te utua fare o RURUA ratou i Faaa i te tamaruraa ia ratou. I muri iho ua tere mai i Moorea i te Puna Reo, na te mau tamarii, te mau metua i faanaho te mai te tama’araa e te fariiraa mai tei matau hia e te mau tamarii.
Ua haamata’ita’ihia ia Moorea, te mau ohipa faufaa roa e vai nei. Ua au roa ia ratou noatu e mea ve’ave’a!
Ia hope te faa’ana’anatae, ua turu maita’i mai ratou i te faaiteite raa ohipa i rave hia e te Puna Reo i te Apooraa rahi. No ta ratou turu papu i manuia ai teie faanahoraa oia hoi te horo’araa i te ho’e hi’oraa no te haamauraa i te haapiiraa na roto i te reo ma’ohi mai te mau maor.
iUa hani roa te taata no te mea e manuiaraa rahi te tereraa haapiiraa i Aotearoa na reira ato’a te pae totiare e te imiraa faufaa na roto i te mau faufaa tupuna e vai nei! Ua riro ia teie arata’iraa ei faahiahiaraa na to te fenua nei!
Haruru otu’i mai nei te reo tavevovevo e:
Ua mate… Ua mate… Ua mate…
Ua mate teie Tamaiti !
Ua mate teie Mootua!
Ua mate teie Hoa iti !
Ua mate teie ‘Aito iti no te ‘Âti Te Arawa!
Ua mate teie Iho no te Marae Houmaitawhiti!
E taure’are’a i roto i tona re’are’a raa!
Era ho’i te tareni e vai noa mai ra
Ahee… Ua mate!… Ahee…
Atira ia!
Ua reva i te haereraa roa!
Ua tano te parau e:
Rahu iho ra te Atua i te taata
Puhi iho ra te aho ora ei meho’i nona
E inaha!
Ua ho’i te meho’i i te Atua ra !
E… ‘Oia!
NO TE HAERE'A O TERA'I'TUA'TINI PAMBRUN
E TE RA'I TUA TINI E, A VAHI ANA!
E TE RA'I TUA TINI E, A VAHI ANA!
E TE RA'I TUA TINI E, A VAHI ANA!
Ua putua te Rai Tua Tini
Maoa'e Tarava te mata'i
Ua pee pohotu te ata o te Rai nui Atea
Te tere no oe e Tera'ituatini!
Te tere o te Tavana i Pihaena no te hi'o atu i te fenua PERERAU I te mahana toru 15 no tetepa 2010, ua haere mai ia te tavana e te tahi o te mau tavana mono no te hi'o i te ohipa rahi i rave hia i ni'a i te fenua o te oire…